నేను సైతం - ఓ 'చంపక మాల' పద్యం వ్రాసేసా[గా]!

నా మొదటి పద్య ప్రయత్నమిది. డా. ఆచార్యఫణీంద్ర గారికి నా హృదయపూర్వక ధన్యవాదాలు.

తప్పులతడక: ప్రాస నియమాన్ని మరిచాను కాని మొదటి పద్యమయినా ఇతర ఛందో దోషాలు లేకుండా వ్రాసానోచ్ :)

చదువరి తాననే కనుల చాటున కైతలు నేను రాయగా,
గడుసరి తానుగా చిలిపి గానము చేసిన రీతి వేడుకే!
తనసరి లేరనే ఆతని తామస చేతలు నాకు కానుకే,
మదనుని భారి నే పడిన మానస వేదన మీకు వాడుకే!

ఆచార్యల వారి చేత మార్చబడగా ఈ వర్షన్:

చదువరి తానటంచు, కను చాటున కైతలు వ్రాసి చూపగా,
చదువుచు పాడె వానిని విశారదు డాతడు - నాకు వేడుకే !
ఇదె సరసంపు కాన్కలని, ఎవ్వరు నా సరియంచు నీయగా -
మదనుని బారి నే పడిన మానస వేదన మీరెరుంగరే !

ఆచార్య ఫణీంద్ర గారికి సరిదిద్దటానికి ఇచ్చిన వివరాలు.

ఆచార్యా! నాదీ మొదటి పద్యమే. నాకు చంధస్సు తెలిసిందీ తక్కువే. అందులోనూ గుర్తున్నదీ శూన్యమే. మీ పైన పాఠం చదివి అలవోకగా వ్రాసినదిది. నాకు నా వాడే నాయకుడు. ఇందులో అన్నీ తప్పులేమోనని నా ఊహ. ఎందరికి నవ్వు తెప్పింస్తుందో కానీ. ఈ సంవత్సరాంతానికి ఒక పద్యం వ్రాయాలన్న తపన ఇలా తీరింది. కాసిని మొట్టికాయలేసి దిద్దిపెట్టరూ?

మరికొన్ని వివరాలు, బహుశా మీకు ఈ తప్పుల తడకని సరిదిద్దటానికి ఉపయోగపడతాయని. ముందు నాకు తెలిసిన భాష ఇంగ్లీష్ లో అసలు ఫీల్ వ్రాస్తున్నాను.
********************
it is just a feel. may be not suitable for a poem as such.

చదువరి తాననే కనుల చాటున కైతలు నేను రాయగా,
i know he could read the language/poetry my eyes express/write
గడుసరి తానుగా చిలిపి గానము చేసిన రీతి వేడుకే!
he reads and sings them too as he is wise and it is my pleasure
తనసరి లేరనే ఆతని తామస చేతలు నాకు కానుకే,
he says none can be comparable to him in 'sarasam', hence that 'taamasa' deeds are like gifts to me [no other woman gets it from her lover]
మదనుని భారి నే పడిన మానస వేదన మీకు వాడుకే!
only when one is lost to thoughts of her lover could see the pain that 'madanuDu' causes like me. And me expressing such is known to all.

**********************************
అసలు సంగతి ఇక్కడ: సులువుగా పద్యం వ్రాయండి ... ( నవంబరు 2009 )