ఉరుములు వినవస్తూ, ఉప్పెనలు కానవస్తూ
ముసురులు వీడని మనసున-
మబ్బులు గడ్డిదుబ్బులై మొలుచుకు వస్తూ,
నిబ్బరపు నిగ్గు తేలుతూనే, నిలవనీయని వేదనకి నిట్టూర్పు నీడగా...
'ఉంటుండేవి,' అని చెప్తూ ఉన్నానిప్పుడు
నవ్వుల జల్లులు కురిసి, జ్ఞాపకాల మునకల మురిసి
ఊసులు కమ్మిన మనసున-
పచ్చని కలలు కమ్ముకువస్తూ,
అబ్బరపు అంచులు తాకుతూ, నిలవనీయని వేడుకలె ఓదార్పు జాడగా...
'వస్తున్నాయి,' అని చెప్తా ఇకిప్పుడు
No comments:
Post a Comment