పునః పరిచయం

 చెరువు గట్టు చీల్చుకుని ఈ చెట్టు వేర్లు

నీళ్ళలో 

నీడకూ అందక దాగినట్లున్నాయి

చెరువేమో

అలల వేళ్ళ కొసలు జొనిపి

గట్టు తెంచుకుని చేరుకునేందుకే

ఎగిసి ఎగిసి ఎగిరెగి రెగిరి ఎగిరి

చేరువగా వచ్చినట్లుంది

కొమ్మలు, చివురులు

పసిరి వాసనలతో, పచ్చని మెరుపులతో

ఎండ కొనలతో కరచాలనం చేస్తున్నాయి

మరి,

మంకెన పూల బొత్తి లా

ఓ ఎర్రని పిట్ట

ఎగిరి, తిరిగి వాలి

కదిలి కలదిరిగి

పాడి, అలిసి

కూలబడింది

వాడంతా వీచే గాలులు 

వాన మబ్బుల గోలలూ.. 

పిల్లకాయల కేరింతలు

గూళ్ళలో కువకువల అలికిడి

పొదల మీద రెక్కలపురుగుల పొర్లిగింతలు 

వసంత కాలాల

వైనాలు ఎప్పటివే

ఎప్పటికీ మాసిపోనివే!

మంచు మీద రవ్వల పొడితో ముగ్గులు వేసినట్లుగా ఉంది.

నక్కి కుట్లు వేసిన నేలకి జరీపోగులా ఆ వెన్నెల ..

 

snowతనం నూతనమా?

బుట్ట గౌను కొసలు మెలితిప్పే చిన్ని వేలు

చేతిలోకి తీసుకుని

అమ్మ అద్దిన తెల్లని స్నో ముద్ద

మెత్తగా నలిగేది

ఇపుడు చేత పట్టిన మంచు ఉండలా

కవ్వపు కొసలకి అంటిన వెన్నలు

చాపిన అరచేత ముద్ద చేసి

అద్దిన మామ్మ కనులలో

గుట్ట పడినదేదో

మనసుకి తిరిగి చూపుతున్న ఈ ధారలు

ఆగక కురిసి, కురిసిన చోటే కూలబడి

కొమ్మకి అలుముకుని

కొసలలో గట్టిపడి

చెట్టులన్నీ బుట్ట గౌనులు తొడిగిన పాపాయిల వలె

తెలవారి వెలుగులో తేలిన

చిట్టి పాదాల గురుతుల్లో, మెరుపుల్లో

నావేలే ఆ చిన్నతనపు ఆనవాలు

and, it muffles the sounds

redesigns the disrobed branches

the drab surroundings vanish

a wish for more snow mornings

never goes unfulfilled,

coz' it's winter!!!