నిన్న రాతిరది నా కలేనేమో? అయితేనేం
కలలో నీవు మాత్రం నిజమే కదా?
కలలోను నా కనులనిండా నీవేనాయే,
అందుకే...
ఇది కల కాదనుకున్నదీ నేనే కదా,
నీవేదంటే అదే నన్నది నీవేకాదా.
నీ నవ్వుల వెన్నెల పోగులు యేరుకున్నాను
తెల్లమొహమేసిన జాబిలికి వెలుగుగ అద్దాను
రేయి పగలుగ మార్చే ఎర్రవూలు బంతి ఎగురవేసాను
కిరణాల వూడలెక్కి అకాశపు మఱ్ఱి మీద ఎగబాకాను
దోబూచులాడే మేఘకన్నియల కోసం వెదుకులాడాను
గాలి చొరవకి నా వూపిరి వేగమిచ్చాను
నీటి వరవడికి నా పరవశమడ్డువేసాను
అగ్గి సెగలకి నా విరహపు ఆజ్యమేసాను
నీ యెదుట మళ్ళీ మనసు పుట తెరిచి వదిలేసాను
కలలోనూ కావలసింది నువ్వేనని మరోమారు లిఖించాను
ఎందుకని?
మంచు కరుగుతూ చెరిపిన చిత్రాలల్లే
శోకం కక్కుతున్న నివేదనలు
వేల పదాలు కలుపుతూ ఎద రాసిన గీతాలు
నేల పలక మీద గరిక బలపాల గీతలు
సమాధి పునాదుల్లో కదలికలా
కన్నీటి చెలమలో ఉప్పెన
భస్మరాసి మీద మమత చిలకరింపున
మనసునున్న రూపు పునరుజ్జీవనం
మోడువారిన వనం ఎదురుచూపు ఆపదెందుకని
వస్తూనే వీడ్కోలు పలికే ఆమని కోయిల కోసం
శోకం కక్కుతున్న నివేదనలు
వేల పదాలు కలుపుతూ ఎద రాసిన గీతాలు
నేల పలక మీద గరిక బలపాల గీతలు
సమాధి పునాదుల్లో కదలికలా
కన్నీటి చెలమలో ఉప్పెన
భస్మరాసి మీద మమత చిలకరింపున
మనసునున్న రూపు పునరుజ్జీవనం
మోడువారిన వనం ఎదురుచూపు ఆపదెందుకని
వస్తూనే వీడ్కోలు పలికే ఆమని కోయిల కోసం
కలం నింపిన కల్లం
గుండె నిండా వెదజల్లిన విత్తులు
నిన్నా మొన్నటి నీ జ్ఞాపకాలు
నారుమళ్ళలో పైరగాలులు
నడిరాతిరి స్వగతాలు
పాలకంకుల మధురిమలు
నీవు పంచిన చిర్నవ్వులు
తూర్పారబోసిన గింజలు
నీవు మిగిల్చిన అనుభూతులు
సారం తరగని మాగాణి
సంక్రాంతి శోభల మన చెలిమి
--ఉష
*********************
కొన్ని స్పందనలు చదువరుల మనసులకి మరింత ఆస్వాదించే సమయాన్ని కలిగిస్తాయని...
స్నేహమంటే గుండె గోడల మలచిన నీ రూపాన్ని అడుగు
ఏమిటో దాని అర్ధం చెపుతుంది
స్నేహమంటే నా గొంతు లో దాగిన నీ మాట నడుగు
రాగం కట్టి నీకొక అనురాగాన్ని కలబోసి ఇస్తుంది
స్నేహమంటే నా కళ్ళ వెనుక దాగిన కన్నీటి చెలమనడుగు
వలపు తలపుల మనం ఈదులాడిన క్షణాన్ని
వర్ణించలేని వర్ణాలతో కలిపి ఇంద్ర ధనుస్సు ను చేసి
నీ ముంగిట ముత్యాల ముగ్గుల రంగులను అద్ది వివరిస్తుంది..
-- భావన
*************************
తీరం దాటిన కెరటం
తిరిగి చూసేనా నేస్తం కోసం
గుండెలు బండల్ని కొట్టుకుంటున్నా
ముందుకేగా దాని పయనం.
వరి కంకుల వయ్యారాల్ని
మాగాణి భూముల బంగారాన్నీ
తలచి తలచి అలసిపోడం కన్న
ఇలకు దిగి మనసును
సమాధాన పరచుకోలేమా...
ఙ్ఞాపకాలు, స్వగతాలు,
చిరునవ్వులు, అనుభూతులు
ఇవేకదా మన చెలిమికి సంక్రాంతి శోభల
వేల వేల మాణిక్యాలు..
-- శ్రీలలిత గారు
*********************************
అరుదుగా అభిప్రాయం తెలిపే మరొకరి మాటలివి.
"సరళంగా, అందంగా చాలా చాలా బావుందీ కవిత.. సంక్రాంతి మీద ఇంత చక్కని కవిత చదివి చాన్నాళ్ళైంది.. మామూలుగా ఏదైనా సందర్భాన్నో లేక ఉత్సవాన్నో వర్ణించేప్పుడు కాస్త క్లిష్టమైన భాష ఉపయోగిస్తారు.. కానీ మీరు అతి సులువైన మాటలలో బోల్డంత అనుభూతిని కలిగించారు.. ముఖ్యంగా మన పల్లెలను కళ్ళముందు ఉంచారు! ఇలాంటివి మీరు మరెన్నో రాయాలని కోరుకుంటున్నాను :-)"
నిన్నా మొన్నటి నీ జ్ఞాపకాలు
నారుమళ్ళలో పైరగాలులు
నడిరాతిరి స్వగతాలు
పాలకంకుల మధురిమలు
నీవు పంచిన చిర్నవ్వులు
తూర్పారబోసిన గింజలు
నీవు మిగిల్చిన అనుభూతులు
సారం తరగని మాగాణి
సంక్రాంతి శోభల మన చెలిమి
--ఉష
*********************
కొన్ని స్పందనలు చదువరుల మనసులకి మరింత ఆస్వాదించే సమయాన్ని కలిగిస్తాయని...
స్నేహమంటే గుండె గోడల మలచిన నీ రూపాన్ని అడుగు
ఏమిటో దాని అర్ధం చెపుతుంది
స్నేహమంటే నా గొంతు లో దాగిన నీ మాట నడుగు
రాగం కట్టి నీకొక అనురాగాన్ని కలబోసి ఇస్తుంది
స్నేహమంటే నా కళ్ళ వెనుక దాగిన కన్నీటి చెలమనడుగు
వలపు తలపుల మనం ఈదులాడిన క్షణాన్ని
వర్ణించలేని వర్ణాలతో కలిపి ఇంద్ర ధనుస్సు ను చేసి
నీ ముంగిట ముత్యాల ముగ్గుల రంగులను అద్ది వివరిస్తుంది..
-- భావన
*************************
తీరం దాటిన కెరటం
తిరిగి చూసేనా నేస్తం కోసం
గుండెలు బండల్ని కొట్టుకుంటున్నా
ముందుకేగా దాని పయనం.
వరి కంకుల వయ్యారాల్ని
మాగాణి భూముల బంగారాన్నీ
తలచి తలచి అలసిపోడం కన్న
ఇలకు దిగి మనసును
సమాధాన పరచుకోలేమా...
ఙ్ఞాపకాలు, స్వగతాలు,
చిరునవ్వులు, అనుభూతులు
ఇవేకదా మన చెలిమికి సంక్రాంతి శోభల
వేల వేల మాణిక్యాలు..
-- శ్రీలలిత గారు
*********************************
అరుదుగా అభిప్రాయం తెలిపే మరొకరి మాటలివి.
"సరళంగా, అందంగా చాలా చాలా బావుందీ కవిత.. సంక్రాంతి మీద ఇంత చక్కని కవిత చదివి చాన్నాళ్ళైంది.. మామూలుగా ఏదైనా సందర్భాన్నో లేక ఉత్సవాన్నో వర్ణించేప్పుడు కాస్త క్లిష్టమైన భాష ఉపయోగిస్తారు.. కానీ మీరు అతి సులువైన మాటలలో బోల్డంత అనుభూతిని కలిగించారు.. ముఖ్యంగా మన పల్లెలను కళ్ళముందు ఉంచారు! ఇలాంటివి మీరు మరెన్నో రాయాలని కోరుకుంటున్నాను :-)"
Subscribe to:
Posts (Atom)